Оҕону ийэ тылынан саҥардан сайыннарыы бырагыраамата

Саха Республикатын Правительствота 1991 сыл ыам ыйын 23 күнүнээҕи уурааҕынан национальнай оскуоланы саҥардан сайыннарыы концепциятын бигэргэппитэ.

Национальнай оскуола тутула үс сүрүн хайысханы туппута.

1) Оҕону ийэ тылынан санардар, үөрэтэр, арыйар – сайыннарар өй.

2) Саха төрүт өйүн, удьуор тыынын, итэҕэлин оҕоҕо кыратыттан иҥэрэр өй.

3) Төрөөбүт төрүт култуураттан саҕалаан ыаллыы омуктар, итиэннэ салгыы Аан дойду култууратын өйдөбүллэрин баһылыыр өй. Оҕо ийэ тылынан саҥаран, толкуйдаан, бэйэтин омугун төрүт итэҕэлигэр тиийэр. Истибитин – көрбүтүн, өйдөөбүтүн – билбитин, анаарбытын ырыппытын итэҕэйэр эрэ буоллаҕына, сэһэн төрдүн тутан, Орто дойдуга олох айыллан үөскээбитин, айыллыы диэн баарын билэн – итэҕэйэн, айыы итэҕэлигэр киирэр. Итэҕэл үс араҥата, үс үктэлэ диэн ол аата олох итэҕэлэ, сэһэн итэҕэлэ, айыы итэҕэлэ буолар диир Г.С.Попова.