🌼🌿🌺🌿🏵️🌿💮🌿🌸🌿

🌿🌿🌿Бэс ыйа-саха санаалаах барыта күөххэ үктэнэн санаата көнөр, өбүгэ саҕаттан сир-дойду иччитигэр, Аар айылҕаҕа махтанар, сүгүрүйэр көрдөһөр алгыс баһын сыалыыр ыһыах ыһыллар кэмнэрэ. 🌿🌿🌿
⠀
Бэс ыйын 2 күнүгэр Хатастааҕы «Кэрэчээнэ» оҕо саадын «Күнчээн» улахан бөлөҕөр дьоҕус ыһыах тэрилиннэ. Салама тулалаах, симэммит түһүлгэҕэ сахалыы таҥастаах оҕолор сарсыардаттан муһуннулар. Иитээччилэр А.В. Борисова, А.Д.Никифорова оҕолого ыһыах туһунан билиһиннэрдилэр, фольклорга салайааччы В.Н.Старкова алгыс анаабытын кэннэ оҕолор музыкальнай салайааччылара Г.К. Ксенофонтова үөрэх дьылын устата үөрэппит саха норуотун ырыаларын ылаатылар, хомуска оонньоотулар, оһуохай эттилэр.
⠀
Дьэ ол кэннэ ыһыах оонньуута, күрэҕэ саҕаланна. Мас тардыһыытыгар «ат, оҕус сүүрдүүтүгэр», салама тардыытыгар, быаны эрийиигэ күүстээхтэр, сымсалар кыайыы өрөгөйүн биллилэр.
Сахалыы таҥаска, уһун суһуохха бастыҥнар ааттаннылар. Ити курдук күнчээннэр ыһыах тоҕо тэриллэрин, ыһыах оонньууларын билэн, үөрэн-көтөн тарҕастылар.🤩🤩🤩🙌🙌🙌