Версия для слабовидящих
Саҥа дьыл күүтүүлээх киэһэтэ
Угуйа, дьиримнии сандаарар.
Санааны төлөннүү,сырдата
Кэрэ да түгэни үөскэтэр.
Бу намыын ырыаҕа уйдара
Сиэтиһэн киириэххэ үҥкүүгэ.
Илиибит сылааһар бигэнэ
Сүрэхпит тыыныгар сигэнэ.
Сипсийэр тылларыҥ дуораана,
Кутуллар музыка дорҕооно…
Алыптаах бу кэрэ түгэҥҥэ
Аргыыйдык эргийэ дайыахха.
Көрсүбүт күммүтүн уруйдуу
Үөрүүнэн дьоллоно, тырымныы
Эн түөскэр сэрэнэ сыстыаҕым
Таптыырбын симиттэ эттиэҕим.
Нет комментариев