Версия для слабовидящих
Тохсунньу ыйга Сахабыт сиригэр «Таҥха» кэмэ кэлэр. Бу ый сүрүн туома – Таҥха туома. Таҥха алгыһын этэн киһи күүс ылынар.Бу нэдиэлэҕэ биһиги уһуйааммытыгар оҕолорго анналлаах «Таайтарыылаах Таҥха күнэ» аралдьыйыылар тэрилиннилэр. Иитээччилэр, педагогтар сомоҕолоһон Тохсунньу ый бэлиэтин, суолтатын, өйдөбүлүн кэпсээтилэр, оҕолорго анаан алгыс эттилэр. Саха итэҕэлинэн Дьылҕа Хаан , Танха Хаан , Билгэ Хаан – киһи олоҕор суолталаахтарын быһаардылар. Оҕолор сахалара таайан олус сэҥээрэн, болҕойон иһиттилэр, сэргэхсийдилэр. Сүрүн болҕомто өбүгэ оонньууларыгар ууруллан, былыр оҕолор тугунан оонньоон эттэрин-сииннэрин эрчийбиттэрин, өйдөрүн-санааларын сытыылаабыттарын билистилэр. Иитээччилэр оҕолорун саастарыгар сөпкө таҥан араас көрүҥнээх бииртэн биир ураты тэрээһиннэри ыыттылар. Ол курдук күлүк театра, сүллүүкүн ойбонтон тахсарын инсценировкалаан көрдөрүү, сахалыы ырыа-тойук, үгүс элбэх остуол да, сүүрүүлээх көтүүлээх да оонньуулар, араас күрэхтэр оҕо дьон болҕомтотун тартылар. Улахан бөлөх оҕолоро гаджеттан атын араас оонньуу баарын сөҕө бэлиэтээтилэр.Ити курдук хас биирдии оҕоҕо ураты, аптаах күннэр буолан аастылар.🙌🙌🙌✨✨✨💫💫💫🤩🤩🤩
Комментарии