«Кэрэчээнэ» уһуйаан үлэһиттэрэ ийэ тыл күнүнэн эҕэрдэлэрин саха поэттарын хомоҕой хоһооннорунан тиэрдэллэр. Сахалыы сайа саҥарарга, төрөөбүт тылбытынан дуоһуйа саҥарга бар дьоннорун ыҥыраллар.

Тыл-омук кэскилэ. Хатастааҕы «Кэрэчээнэ» оҕо уһуйаана «Айыы ыллыга» оҕону төрөөбүт тылынан сайыннарыы бырагырааманан үлэлиир. Ол курдук үлэ бары хайысхата саха тылынан ыытыллар. Олунньу ыйга тыл сүрэ саамай күүһүрбүт кэмигэр саха тылыгар туһуламмыт тэрээһиннэр, дьарыктар чопчутуллан ылыныллыбыт былаанынан ыытылыннылар. Ол курдук тыл нэдиэлэтэ туһааннаах тэрээһиннэргэ сөп түбэһэн уларыйа сылдьар оформленияттан саҕалаан бөлөхтөргө барыларыгар Ийэ тыл, сурук-бичик күнүгэр аналлаах тэрээһиннэр оҕолор саастарыгар сөп түбэһиннэрэн, иитээччилэр тус байытыыларынан аастылар. Ол курдук «Мичээр» бөлөххө оҕолорго саха суруйааччыларыгар, сахалыы кинигэлэргэ аналлаах дьоҕус түмэл, «Кэнчээри» бөлөххө ааҕааччы муннуга тэрилиннилэр. Сылын ахсын Ийэ тыл күнүгэр ыытыллар «Чугдаарар чуорааннар» ааҕааччылар күрэхтэригэр 47 оҕо кытынна. Оҕо саадын үлэһиттэрэ, иитиллээччилэр араас таһымнаах күрэхтэргэ,»Хатас ааҕар» тэрээһиҥҥэ көхтөөхтүк кытыннылар. Иитээччилэргэ «Эркээйи эргиирэ», «Айыы ыллыга» бырагыраамаҕа анаммыт тургутук ыытылынна. Бөлөх ахсын логопед Н.П.Черноградская сахалыы доҕооннору туруорууга сүбэ биэрдэ. Нэдиэлэни быһа оҕолор сахалыы таҥнан, педагогтарынан тэриллибит «Остуоруйа» түһүлгэтигэр мустан саха остуоруйаларын билистилэр, сахалыы остуол оонньууларынан дуоһуйа оонньоотулар. Ити курдук Саха тылын, суругун-бичигин нэдиэлэтэ бэрт таһаарыылаахтык ааста.👏👏👏🙌🙌🙌